鬍鬚雞

活力母親返大陸玩了三日. 今晚開飯煮了'手信' - 鬍鬚雞.
此雞聽聞*雞咀對落有一執白鬚, 故得此名.

(* '個頭唔係(個碟)度呀嘛?!' 我大驚. '無...切咗啦.' 阿媽說. 所以看不到真頭. 當然, 我是不會上網search啦.)

'如果剪咗佢執鬚會點?' 妹問.
'佢執鬚在個咀下面, 你一捉住佢個頭佢就啄你啦' 母答.
'(如剪了)佢會唔開心.......' 妹沉醉自己的幻想中, 續說.
'佢點會有嘢!'' 母不同意.
'唔係架, D貓俾人剃哂D毛後會成隻死狗咁.' 隨即作一個萎縮的pose.
'剃哂全身就話o者, 而家只係剪一執毛!'
'果執毛對佢嚟講係幾重要呀! 我唔信佢會唔知自己係鬍鬚雞!!!! 咁佢會見到佢D friends 有毛但佢無!!!!'
'佢點會睇到自己(無毛)!' 母在下巴間比劃著, 說明雞對眼係唔會睇到自已咀下的鬚.
'如果佢照鏡咁點?!!!'
'.....'