怪談

話說我識得一位容小姐 , 是否靚女就見仁見智 , 但容我很保守的說一句 : 唔係靚女都一定似靚女. OK?
除了那些靚女式髮形/化妝/衣著, 她的五官和膚色, 加起來還有一種講不出的特別, 在人群中也很會突出.

數月前 , 我把容小姐的照片給兄弟看 .
'都唔靚既!' 兄弟說.
過了一陣子, 她跟我說: ' 我估我在街上見到容小姐!!! 唔知係唔係呀… 佢靚過張相好多喎, 真係一個靚女來喎!'
對照過時間地點同服飾資料後, 我認為佢*真係*見到容小姐.
其實不算出奇, 因為大家都在同一區返工, 但奇就奇在 – '既然你話佢唔似張相 , 咁點解又可以一眼認出佢 ?'
' 係, 佢真係好易認!!!!!!! 我一望就見到!!!!!!!!!!!!!!!!!! '
'anyway, 你而家明我講乜啦, 佢個樣真係好characteristic.' 我說.

前幾日, 兄弟說: 我又見到容小姐.
'佢有無同人一齊 ? ' 我問. 因為那些同行的人我都可能認識.
'( 佢側邊) 有一個高的女仔. 但我完全無留意佢! (容小姐) 真係好嘢喎, 完全係會draw 哂所有人的注意力! 一望埋去淨係會望到佢. '

前兩日, 兄弟又說: 講你都唔信, 我今日又見到容小姐!!
'係 ? 你响邊度見到佢 ? '
兄弟說出了時間地點.
'佢身邊有無人架 ? '
'好似有 . 但又係完全無留意 . '
'果個係我嚟架 !!! '