看了好戲

:3

<The Andersen Project>

我覺得似喎

James Phelps & 生田斗真

Random flashback 018 - Overheard

1.
(一接通) '你而家响邊? 吓? 烏蘭巴托?!'

2.
(同一時間)
甲: 'No no no no no no no !'
乙: 'No no no – no no no no –'

3.
甲: 你有無聽過一個牌子叫BV?
乙: 唔知喎….全名點串?
丙: 呀我知! B-v-l-g-a-r-I 吖嘛.

鬍鬚雞

活力母親返大陸玩了三日. 今晚開飯煮了'手信' - 鬍鬚雞.
此雞聽聞*雞咀對落有一執白鬚, 故得此名.

(* '個頭唔係(個碟)度呀嘛?!' 我大驚. '無...切咗啦.' 阿媽說. 所以看不到真頭. 當然, 我是不會上網search啦.)

'如果剪咗佢執鬚會點?' 妹問.
'佢執鬚在個咀下面, 你一捉住佢個頭佢就啄你啦' 母答.
'(如剪了)佢會唔開心.......' 妹沉醉自己的幻想中, 續說.
'佢點會有嘢!'' 母不同意.
'唔係架, D貓俾人剃哂D毛後會成隻死狗咁.' 隨即作一個萎縮的pose.
'剃哂全身就話o者, 而家只係剪一執毛!'
'果執毛對佢嚟講係幾重要呀! 我唔信佢會唔知自己係鬍鬚雞!!!! 咁佢會見到佢D friends 有毛但佢無!!!!'
'佢點會睇到自己(無毛)!' 母在下巴間比劃著, 說明雞對眼係唔會睇到自已咀下的鬚.
'如果佢照鏡咁點?!!!'
'.....'

讚

''大佬!!!!!!!!!!!!!!!!!!!!!!!!!!!!!!!!!!!!!!!!!!! 洗唔洗咁有前瞻性呀你!''

青蛙與我

零五年, 兄弟宣佈: 我鐘意青蛙.
當時我已有一個相交多年的青蛙fans朋友. 其鍾愛可愛蛙蛙的程度已被公認為一等. 上年佢結緍, 我連做人情的信封都要搵個有青蛙的.
''青蛙?! 你而家先黎鐘意?! 我好難調節架喎, 見到青蛙野我都會諗起佢先啦.''

當然, 經過她多番轟炸, 終於入了腦 :佢所追求的, 是屬於另一層次的蛙 – 真蛙! Keroppi唔hau (音1), 其他cute 蛙亦好少睇得上眼, 有鼻窿的, 似龜的, 更十居其九點八被嫌棄.

經過目擊/陪同/縱容/甚至係鼓勵佢: 玩仿真度極高的膠蛙, 看蛙書/網頁, 幻想蛙產品, 影蛙產品相, 被人叫frog freak 並回認yes, 收集及藏有蛙模型/產品 etc etc 的三年後, 我:

1. 對青蛙仍然係零認識
<銀樓金粉>度, 青蛙的戲份好重喎, 你有無睇?
青蛙?
係呀, 好多場戲都有好多青蛙.
你話食得果D?
係呱…
果D係田雞.
(雷擊) 果D唔係蛙 ????!!!

2. 對青蛙仍然有很多核突的聯想/印象
兄弟午間傳來電郵, 標題為''frog belt -_-''
我腦海立即浮現一條以青蛙皮而製的核突皮帶! (但實情只係一條有兩隻金蛙作皮帶扣的皮帶而已.)

希望我唔會衰到夢見青蛙啦, 我根本同佢地一D關係都無!