Keromania

1. object of desire

'我同佢講, 我想要青蛙耳環.'
'你見到咩?'
'唔係. 係我自己諗出黎的.'

2. amazing but not impressing

佢在看有關蛙類的網頁.
'嘩! 你睇 (尾音轉上) !' she was really amazed.
我一睇個screen: '就算你咁講都唔會impress 到我囉...'

3. since the beginning

'我知喇! 我連蝌蚪都鐘意埋!'
-_-""
'唔知我鐘唔鐘意蛙卵呢...' 佢是講真的.

兄弟本週的經典

1. 紋

兄弟 "掙扎兼低落了兩天，終於從荷包嘔出73鎊。歷史性一刻。"

2. 不能再好

''如果多給你一次機會，你會做得更好?''
(立即答)''我已經做得好好咯喎！''
(噴水) ''你咁樣叫做得好?!'' (與原文有些出入...)
(同樣立即答) ''唔好咩?''

3. 五個來電

佢都沒有接聽。
(又問) ''如果多給你一次機會，你會做得更好?''
(仍然立即答) ''我已經做得好好咯喎！''

4. 那個女人很男人

唉.

5. 愛之爆眉

Nice term.

奇妙的腦袋

我想是我大腦有某個地方壞死了, 病態地混淆的東西越來越多.

最經典又最嚴重的, 是 8 與9.
8 與9 的混淆是一種conceptual上的混淆, 用不同的語言都會搞亂.
看到8 , 我知道是8. 讀得出是 八 .
聽到八, 卻不擔保手寫出的是8. 有少少可能會寫了9.
看到9 , 我知道是9. 讀得出是 九 .
聽到九, 也不擔保手寫出的是9. 也可能會寫了8. (這個可能性較高.)
eight 與nine 的混淆會更嚴重. huit 與neuf 一樣咁衰.

與8/9同期發現的個案, 還有''出''與 ''去''.
我想寫 ''出'', 有時會寫了''去'', vice versa.

及後出現的, 有''米粉''與 ''粉絲''. 提起它們其中一個, 我都只會諗起一個特定的影像,至於那影像究竟係米粉定粉絲, 我都不知道因為我就是病態地不懂得分!

最近發現了三個懷疑個案.
1. 希臘與埃及
混淆的pattern仲未研究到出來. 但好像聽到任何一個我也只會想起'埃及'.

2. 犀牛與河馬.
看到Rhino同Hippo, 完全識答是犀牛同河馬, 但也要出力一些才分到. 與希臘與埃及case相似, 無論提起犀牛或河馬, 都會諗起犀牛先.

3. Patrick 與Richard
我估係同吳耀漢有關…

骨

我條腰真係痛到連我自己都唔信.

300 蚊

555... 唔制....

(不甘)寂寞的國度

- 我無力對抗整個都市
分秒都感受到別人的眼光在我身上遊移

- 我忍受著房間的悶熱. 我不敢打開窗. 第一晚到步後, 一開窗, 窗框上就有一條粉紅色的蜥蜴掉落在我的床上.

Marmaris. 大概沒有一個亞洲人會去這種地方. 我想她算係一個城市吧, 但其實也一個通街老翻的醜樣鄉鎮. -_-''' 回去後, 朋友問: 那邊係咪有好多珍禽異獸? 基本上我不懂得介定那些人算不算異獸, 我只係知我在當地已經算係珍禽. 那個星期我一張亞洲臉孔都沒見過, I mean 全亞洲咁多種亞洲樣, 泰國feel至日本feel的, 就是一張都沒有.

當沒有一個女人穿有袖衫的時候, 我穿著長袖衫, 在四十幾度的天氣下來回於沙灘. 當一街都是歐洲遊客, 歡天喜地衝去沙灘BBQ 自己的時候, 我死都要躲在太陽傘下, 或是為了避開叫皮膚焦痛的陽光, 垂著頭走我的每段路.

那怎能不極度異相呢? 這種咁surreal的感覺在那星期切實的體驗了. 走在街上, 未見人先聽到聲: Japanese? Chinese? Korean? 你好 ~~~ (普通話), 你好 ~~ (日文). 我愛你!　(普通話) ‘清! 爭! 公! 衝! ’(扮講中文...) . 這種teasing來自四方八面, 商店老闆, 餐廳侍應, 或是求其一個坐在路邊的閒人...咁嘈法, 本來無見到你的人都擰個頭來望….然後撩埋一份.

一日兩餐都在餐廳解決, 但食物只有3 大類: 意粉, 沙拉及奄列. 已經揀了一些無咁狼死, 又拉又扯你埋去食的食店, 但送上餐牌的一刻, 對方九成九還是問: where do u from?

Where do u from? 這樣正常的問題, 在四十幾度下被問得太太太多, 還是會覺得不耐煩的, 尤其是知道佢並不是很善意地問. 但都要忍住啦, 都坐低了, 野都未食...

對方通常還會有一大堆問題, 在你等待食物, 進食食物和食完食物之間發問:
what language are u speaking? How many languages do u speak? How old are u? How many days are u staying in Marmaris? Where are you staying?

有時他們會企响度問你. 有時他們會坐埋落你隔離同你同枱傾, 有時佢地會拍你, 有時佢地會摸你!

旅程中段, PC 在當地竟巧遇佢三位朋友. 很高興遇上他們, 與他們同行時我獲得了安寧, 街上沒有人搞我地; 而且他們還可以陪於她出去蒲. 我實在沒有力這樣晚晚出去, 而且我不善這種飲酒作樂, 況且其實不太perfer在土耳其蒲. 所以由得佢地自己去好了.

1:00am. 望出窗, 周圍所有的apartment houses 都烏燈黑火, 我知道人們並不是睡了. 佢地都走哂去20 分鐘腳程的bar/disco street. 對, 就算係一家大細, 佢地都要一齊去bar, 就算爸媽弟妹其實係目無表情, 百無聊頼的, 都要夾硬全民出動坐在裡面. 為什麼人們來到這個地方, 就好像如此不甘寂寞?

沒有電視電腦電話. 房間只有我一個, 沒有一個人可以對話. 窗外城市仍舊醜樣而陌生, 佢還佢我還我, 我們從來沒有交流過., 我感到一陣叫人呼吸困難的寂寞.

幸好, 在熬過這六日後, 我終於在最後一晚找到了自在的時光, 打開露台的門, 引進外頭的風, 睡在廳的沙發上, 過了清涼的幾小時 (天五點就光了).

好了, 可以走了.